Төрөппүттэригэр суругуттан

(Күнэ-дьыла биллибэт)

Күндү төрөппүттэрим! Мин ааппыттан дорообото тутуҥ. Доруобуйа үчүгэй, үчүгэйдик сылдьабын. Соҕуруулуу-арҕаа баарбын. Манна биһиги алта табаарыстыы этибит, онтон мин соҕотоҕун хааллым. Бу кимэн киириигэ мин танканы утарар орудиенаи ытан биир немецкэй танканы уматтым. Ити иһин миигин «Албан аат» үһүс степеннээх орденынан наҕараадалаатылар. Ити кэнниттэн хардары-таары быстах ытыалаһыыларга хас да төгүл сырыттым.
Манан суруйарым бүтэр. Аныгыскы сурукка диэри быраһаайдарыҥ!

Эһиги уолгут Василий.

«Эдэр коммунист» 1959 с. олунньу 22 күнэ.

Павлов В. П. 1941 с. Бэрдьигэстээх орто оскуолатыттан Ийэ дойдутун көмүскүү фроҥҥа барбыта. Бу сурук кини тиһэх суруга этэ, эдэр буойун сэрии хонуутугар геройдуу охтубута.

«САЛЛААТТАР СУРУКТАРА», 1970, Якутск, Д.Петров

Читайте также:  Горохов Семен Алексеевич