Армияҕа барарыгар дьонугар хаалларбыт кэриэс суруга

1941 с. атырдьах ыйын 9 күнэ.

Төрөөбүт Аҕа дойду көмүскэлин иннигэр, барыбыт тыыннаах буоларбыт, дьоллоох олоххо олорорбут туһу- гар сиэртибэлэнэр да күннээх буоллахпына аһыйары- ытыыры суох гынан, билбэтэх-көрбөтөх, мин туспунан сапаабатах буола сатаан, бэйэни бөҕөргөтүнэн, хаһаяда барыах киһи бардаҕа, сылдьыах киһи сырыттаҕа, биһиги тыыннаах эрэ сүтүкпүтүнэн буоллаҕа дии санаарыҥ!
Сааскыт-үйэҕит тухары умнубат сүрэх бааһа оҥос- тон олорор буоллаххытына, үлэлиир үлэ, аһыыр ас ам- танын хаһан даҕаны билиэххит суоҕа. Онон мин баарым курдук ньир-бааччы, бары күүскүтүн холбоон, бөххүтүгэр бөрөнөн, ыал буолан үчүгэйдик олорооруҥ!
Вася! Үөрэнэр усулуобуйа кыайтарбат түбэлтэтигэр кыһаммакка, суоҕунан бириинчиктиири умнан туран, суоҕу да баар гына сатаан, барыны бары быһаарыгас, саталлаах, чэгиэн-чэбдик буолар иһин кыһан!
Мин үөрэххэ туттар малларбын ыспакка, убайыҥ курдук санаан, харыстаан илдьэ сылдьаҥаах уонна наадаҕын сурун. Мин эргийэн кэлиэхпэр диэри мэниктээбэккэ, үчүгэй үөрэхтээх, улахан киһи буолан тоһуйаар.
Бары дьонум, хаһан эргийэн тыыннаах көрсүөххэ дылы эбэтэр хаһан куоскаҕа муос үүнүөр диэри быралыйа быраһаайдарыҥ!!!

Уолгут Гаврил.

Армияҕа сылдьан суруммут дневнигиттэн
1941 с. алтынньы 10 күнэ.

Дьиэбэр барар күнүм сарсыардата буолла диэн уһуктубутум, кэлбитим бүгүн 2 ыйа эрэ буолбут. Айылҕа ичигэс, халлаан былытынан бүрүллүбүт, дьикти былыттар быыстарынан дойдубун элэҥнэтэн, түүл курдук са- наан ааһабын, барыта бэккэ дылы, аһыыр чааһынан кыһалҕалаах буолуо, үлэһит да аччаатаҕа, сыл тахсар ыарахан буоллаҕа, ынах сааҕын көрө-көрө ытаһар кэлэн истэҕэ буолуо. Норуот санаата долгуйуута муора баалынааҕар күүстээх. Германиялаах Японияны үлтү охсорго күнүстэри-түүннэри ахсаабат күүһүнэн охсуһа- быт тыылга уонна фроҥҥа. Мин тапталлаахпыныын кылгастык олорбуппуттан ордук хомолто суох, ону кытта дьонум кырдьаҕас буолбуттара.

Читайте также:  Полевая почта № 62803-ч. Петров П.С.

Ганя.

1941 с. алтынньы 29 күнэ.

Кыһалҕа кырыыһы санатар. Хаһан хаанымсах Гитлер саайкатын самнаран, мин тыыннаах дойдубар төн- нүөхпүнүй, бэрт өтөрүнэн эн бар дииллэрэ биллибэт, хаһан өрүс туран сулбутун кэнниттэн ыыталлар дуу, суох дуу, баҕар онуоха диэритин тоҥмут үөрбүт да тиийбэт сиригэр тиийиэхпит. Сахалар урут үөрэммэккэ хааламмыт нууччалыы билбэт буолан олус эрэйдэнэбит. Эн ыксаама, үөрэнэ түс, кытаат нуучча омук культуратын баһылаа.

Ганя.

* * *

Доруобай курдук санаммытым, ол ханна тиэрдэрэ биллибэт, баҕар бүгүн да суох буолуохпун сөп, ону көрүүлэнэр кыах суох. Дуня, баҕар, түбэһэ ааҕан кэбиһиэҥ мин суох буолбутум туһунан, оччоҕо бу суруйбут тылларбын көннөрөн уһулаар. Харатын хаһан төрөөбүт дойдугуттан арахсыаххар диэри илдьэ сылдьаар. Ленин партиятын иһин, Советскай правительство иһин биир хааппыла хаан хаалыар диэри охсуһуом, ытык иэспин толоруом, ханна да өлөр син биир, норуот иһин өлөр ордук бочуоттаах.

Ганя.

Бу суруктары бииргэ төрөөбүт быраата Дүпсүи орто оскуолатын учуутала Василий Федорович Сивцев кэриэс гынан уура сылдьар.

Гаврил Федорович Сивцев Уус-Алдан оройуонугар Тэбиик нэһилиэгэр төрөөбүтэ. Дүпсүн 7 кылаастаах оскуолатын бүтэрэн баран, бастаан Чараҥай, онтон Дүпсүн оскуолаларыгар учууталлаабыта. Кэлин, Якутскайдааҕы национальнай байыаннай оскуоланы бүтэрэн баран, дойдутугар тахсан үлэлээбитэ. «Сонун олох» колхоз правлениетын председателинэн сылдьан, 1941 сыллаахха сэриигэ барбыта. Младшай командир этэ. Ийэ дойду көмүскэлин иһин кыргыһыы хонуутугар охтубута.

Читайте также:  Алексеев Макар Дмитриевич

«САЛААТТАР СУРУКТАРА», 1970, Якутск, Д.Петров