Дъонугар суруктарыттан

1942 с. тохсунньу 18 күнэ.

Күндү дьонум эҕэрдэлэриҥ!

Кэлээри турдахпына ийэм тахсан, атым сиэлин имэрийэ-имэрийэ, ытаабыта дууһабар олус элбэҕи санатар. Ийэм эрэйдээх өрүү ытыыра буолуо диир санаа хайдах эрэ арахсыбат.
Хаһан баҕарар иннибэр турар өстөөҕү күүстээх түөспүнэн үлтү анньан, чэрдээх илиибинэн үлтү охсон иһиэм. Хайаан даҕаны дойдубар, эһиэхэ тиийиэм.

Уолгут Ньукулай.

1942 с. олунньу 10 күнэ.

Таптыыр аҕам Кирилл Петрович, ийэм Матрена Тимофеевна уонна бырааттарым Поликарп, Петр, балтым Балбаара, эһэм Бүөтүр оҕонньор, бука барыгыт мин ааппыттан эҕэрдэтэ тутуҥ!..
Ййээ, эһиги хомойо-хоргута олорумаҥ. Бүтүн Советскай Союз дьоло-соргута диэн санаанан кыргыһа кэлбитим. Биһиги норуот иһин, дойду иһин охсуһууга бэлэммит. Эһиги үлэ үрдүк таһаарыытын ситиһиҥ! Күн түүн Кыһыл Армия кыайыытын истэҕит.

Быраһаайдарыҥ Ньукулай.

Бу суруктары Амма сэлиэнньэтин олохтооҕо Гаврильев Дмитрий Николаевич бэчээккэ биэрдэ.

Иванов Николай Кириллович 1918 сыллаахха Соморсун нэһилиэгэр Амма оройуонугар төрөөбүтэ. Сэриигэ барыар диэри колхозка үлэлээбитэ. 1942 с. кулун тутар 29 күнүгэр Ленинград уобалаһыгар Кондуя оройуонугар естөөхтөрү кытта кыргыһа сылдьан өлбүтэ.

«САЛААТТАР СУРУКТАРА», 1970, Якутск, Д.Петров

Читайте также:  Софронов Алексей Афанасьевич (1921 - 1944).