Бэйэтин быыбардааччыларыгар суругуттан

1942 с. тохсунньу 22 күнэ.

Күндү быыбардааччылар! Мин сэрии саҕаланыаҕыттан килбиэннээх Кыһыл Армия кэккэтигэр сылдьабын. Балтараа ый байыаннай политическай курстарга үөрэммитим. Икки ый устата ССРС Оборонаҕа Народнай Комиссариатын сорудаҕынан командировкаҕа сырыттым. Билигин 46-ыс гвардейскай бригадаҕа политотдел инструкторынан үлэлиибин. Үлэлээбитим хайы-сах төрдүс ыйа буолла. Бу күннэргэ биһиги бригадабыт фашистскай сидьиҥнэри кытары кыргыһыыга киириэхтээх. Мин манна сэрии уотугар аан маҥнай киирэн бэйэм быыбардааччыларым чиэстэрин уонна көҥүллэрин кыргыһыы толоонугар көмүскүөм, биһиги сирбитин халыы кэлбит немецкэй спдьиҥнэри туох да харса суох үлтү сынньыһыам.
Бастакы кыргыһыыга киирээри туран, эһиэхэ, мин күндү быыбардааччыларым, туох баар бары дьоҕурбун, энергиябын, сатабылбын уонна күүспүн воинскай присяганы уонна табаарыс Сталин ыйыытын чиэстээхтйк толоруом диэн тылбын биэрэбин… Өстөөххө аһынар диэни билиэм суоҕа. Өстөөҕү ханна көрөбүн да сонно суох гынан иһиэм. Ситнһиэм буруйа суох оҕолор, дьахталлар, кырдьаҕастар хааннарын тохпуттарын, куораттары уонна сэлиэнньэлэри уоттаабыттарын, ССРС норуоттарын культураларын халаабыттарын, советскай дьону муҥнаабыттарын-сордообуттарын иһин.
Фашистскай сидьиҥнэр өллүннэр. Биһиги дьыалабыт кырдьыктаах. Кыайыы биһиэхэ буолуо.

Гвардейскай привети кытта САССР Верховнай Советын депутата, батальоннай комиссар Н. Горохов.

ССКП Саха уобаластааҕы комитетын партийнай архива, ф. 3, оп. 71, дь. 59. Нууччалыыттан тылбаастанна.

Н. С. Горохов Уус-Алдан оройуонугар Чэриктэй нэһилиэгэр төреөбүтэ. 1937 сылтан 1941 сылга диэри БСК(б)П Анаабыр оройуонунааҕы комитетын бастакы секретарынан үлэлээбитэ. 1941 сыллаахха Москва куоракка БСК/б/П КК иһинээҕи Ленинскэй курска үөрэнэ сылдьан, сэрии саҕаланаатын кытта политүлэһитинэн фроҥҥа барбыта. Өстөөҕү кытары харса суох геройдуу охсуһа сылдьан, Н. С. Горохов 1942 сыллаахха, бу суругун кэнниттэн аҕыйах хонон баран, Новгород уобалаһыгар Старо-Русскай оройуоҥҥа Михалкино дэриэбинэҕэ өлбүтэ.

Читайте также:  Еникеев Ахтям Рахманович

«САЛААТТАР СУРУКТАРА», 1970, Якутск, Д.Петров