Кэргэнигэр суругуттан.

1941 с. атырдьах ыйын 23 күнэ.

Они пройдут только через наши трупы, живыми не пропустим.
Н Романов.

Бу суругу кэргэнэ Нина Ивановна Романова уура сылдьар.

Никон Семеиович Романов 1909 сыллаахха Үөһээ Бүлүү оройуонугар Нам нэһилиэгэр төрөөбүтэ. 1941 с. бэс ыйын 21 к. А. А. Жданов аатынан Ленинградскай государственнай университекка «Ясак в Якутии в XVIII веке» диэн темаҕа диссертация суруйан ситиһиилээхтик көмүскээбитэ. Историческай наука кандидатын аатын ылбыта. Сарсыныгар фашистскай Германия сэриинэн түспүтүгэр Н. С. Романов таптыыр Ленинград куоратын көмүскэһэ бэйэтин баҕатынан фроҥҥа барбыта. Армияҕа барарыгар төрөөбүт дойду көмүскэлигэр биир киһи курдук турунарга радионан тыл эппитэ.

Ол туһунан «Известия» хаһыат бэс ыйын 29 күнүгэр 1941 сыллаахха бу курдук суруйбута:

«Тысячи лучших представителей советской интеллигенции Ленинграда уходят на передовые линии фронта… Аспирант исторического факультета тов. Романов, сын неграмотного якута, 21 июня блестяще защитил Кандидатскую диссертацию. Сейчас он призван в армию.

— У нас хотят отнять завоеванное счастье,— говорит он,—Не бывать этому. Вчера я был научным работником, сегодня боец могучей Красной Армии…» —диэн. Сэрии маҥнайгы ыйдарыгар Ленинградка, Пулковоҕа сэриилэспитэ. Суруйарын курдук, тыыннаахтарын тухары өстөөҕү ыыппатахтара. Үгүстэр өлбүттэрэ, ол иһигэр саха биир чулуу уола, саха талааннаах бастакы ученайдарыттан биирдэстэрэ, 1930 сылтан партия чилиэнэ Н. С. Романов төрөөбүт дойду көмүскэлин иһин 1941 сыллаахха балаҕан ыйын 9 күнүгэр Колпино диэн тимир суол узелыгар геройдуу өлбүтэ.

Читайте также:  Рыжов Владислав Павлович

«САЛААТТАР СУРУКТАРА», 1970, Якутск, Д.Петров