Оройуонун дьонугар ыыппыт суругуттан

1942 с, тохсунньу 1 күнэ.

Таатта оройуонун рабочайдарыгар, сулууспалаахтарыгар уонна колхозтаахтарыгар. Барыгытыгар эҕэрдэ!
Эһиги билэргнт курдук, мин БСК(б)П КК иһинээҕи Ленинскэй курска үөрэнэ Москваҕа кэлбитим. Үөрэхпэр үчүгэй үөрэнээччинэн сылдьыбытым.
Ол үөрэнэ сырыттахпына, биһиги дьоллоох олохпутун алдьатарга, биһигини барыбытын кулут оҥосторго сорунан германскай фашизм советскай территорияҕа эмискэ кыыллыы саба түһүүнү оҥорбута.
Тииһигэр диэри сэбилэммит өһөгөйдөөх өстөөҕү утары хаан тохтуулаах сэрии саҕаланна. Бэйэлэрин чиэстэрин, көҥүллэрин уонна Аҕа дойдуларын көмүскүү мөлүйүөнүнэн советскай дьоннор охсуһууга турдулар.
Мин билигин сэриилэһэр армия чаастарыттан биирдэстэригэр политотделга бардым. Охсуһуу сыралҕаннаах уотун аттыгар сылдьааччылар, биһиги, санаабыт кцтаанах, күүспүт-уохпут күннэтэ эбиллэ-бөҕөргүү турар. Мин коммунист буоларым быһыытынан, өстөөҕү кыайыылаахтык үлтү сынньары тэрийэргэ охсуһуу инники кэккэтигэр сылдьыам.
Эһиги ыраах тыылга олорооччулар эмиэ туох баар үлэҕитин уонна күүскүтүн Кыһыл Армия фронун интэриэһигэр биэриэхтээххит. Производствоҕа илиигитин араарбакка туран үлэлиэхтээххит. Үлэ оҥорон таһаарыытын хас да төгүл үрдэтиэххэ. Биирдии бэйэҕит 2-—3 киһи үлэтин толорорго бэлэмнэниэхтээххит. Үлэ чааһыгар биир да борогуулу таһаарыа суохтааххыт.

Р. К. Дедюкин.

«Коммунист» хаһыат, 1942 с. тохсунньу 1 күнэ.

Р. К. Дедюкин Баяҕа нэһилиэгэр Таатта оройуонугар төрөөбүтэ. 1940 сыллаахха дойдутугар райком II секретарынан үлэлии олорон Москваҕа Ленинскэй курска үөрэнэ барбыта. Ол сылдьан сэриигэ политүлэһитинэн ыытыллыбыта. Сэрииттэн эргиллибэтэҕэ.

«САЛААТТАР СУРУКТАРА», 1970, Якутск, Д.Петров