Сунтаар оройуонун үлэһиттэригэр

 

Оборона Народнай Комиссара табаарыс Сталин «бэйэ сэриилэһэр сэбин маастарынан буоларга, биһиги албан ааттаах снайпердарбыт, немецкэй оккупаннары кыдыйааччылар, өстөөҕү кыдыйалларын курдук, сыыспакка кыдыйарга». Кыһыл Армия байыастарыгар, командирдарыгар уонна полит үлэһиттэригэр приказтаабыта. Ити прикаһы чуолкайдык толорууга биһиги Н-скай чаас байыастара, командирдара уонна политүлэһиттэрэ туох баар күүспүтүн уурабыт.

Мин үөрэтэр подразделениябар БОРИСОВ уонна АГАФОНОВ курдук винтовканан, ОСИНСКАЙ курдук пулеметынан туйгуннук ытар байыастар бааллар. Кинилэр кэккэлэрэ күн ахсын үүнэн иһэр. Биһиэхэ народ итэҕэйэн биэрбит оружиетын дьаныардаахтык үөрэтэн баһылыахпыт, билиҥҥи сэриилэһии дьикти мастардара буолан фроҥҥа барыахпыт, улуу Сталин салалтатынан немецкэй-фашистскай армияны толору үлтүрүтүөхпүт!

Ыраах тыылга олорор Сунтаар оройуонун үлэһиттэрэ!

Колхозтаргыт хонууларыттан өлгөм үүнүүнү ылан, сүөһү үрдүк бородуктиибнаһын сайыннаран фрону уонна тыылы бөҕөргөтүҥ, фроҥҥа араас көрүҥнээх көмөҕүтүн өссө күүһүрдүҥ, саҥа айар үлэни уһаныҥ!

Немецкэй оккупаннар өллүннэр!

 

МЛАД. СЕРЖАНТ МАКСИМОВ М.С.

«Сталин Суола» хаһыат, 1942 с. от ыйын 13 күнэ.  

Читайте также:  Памятник воинам, павшим в боях в годы Великой Отечественной войны, Сунтарский улус (район), СП "Аллагинский наслег", в центре с. Аллага