СЫРДЫК ҮӨРҮҮ

Улуу Кыайыы ньиргиэрин,
Дойду, норуот мичээрин
Көрөр — истэр баар этэ
Өлбөт — сүппэт үөрүүтэ.
Маньчжурия куйаарын,
Хинган чымаан арҕаһын
Туораабыппыт баар этэ —
Тыыннаах хаалбыт үөрүүтэ.

Хос ырыата:

Оннук сырдык үөрүүнү,
Оннук күүстээх үөрүүнү
Өлбөөдүтэр сатаммат,
Умнуохпутун сатаммат.

Улуу Чуумпу акыйаан
Балкыырыттан дуоһуйан
Куустуспуппут баар этэ
Өрөгөйдөөх үөрүүтэ.
Саллаат ыстаал кааскатын
Наҕыл бааччы уһулан
Дойдулуурбут баар этэ
Атаарсыһыы үөрүүтэ.

Вокал «Сырдык үөрүү» — скачать

«Сырдык үөрүү» оркестр национальных инструментов НТТ РСЯ — скачать сайт

Читайте также:  Матери Победы Мегино-Кангаласского района