УЛУУ КЫАЙЫЫ КҮНҮГЭР

Ыам ыйын чаҕылхай халлаанын анныгар
Ньиргийэн биир ырыа тыллара тарҕанна.
Ол ырыа тыллара өй сүрэх ылларан
Эргиллэн кэлбэтэх саллааты аҕынна.

Хос ырыата:

Уруй буоллун Кыайыы күнэ!
Өспөт сүҥкэн кэриэс күнэ!
Айхал буоллун көҥүл күнэ!
Өлбүт герой тиллэр күнэ!

Барбыта ол буойун алааһын аатыттан
Кэнчээри ыччатын саргытын харыстаан.
Сүппүтэ кыргыс хаан толоонун уҥуордаан
Бу күнү түргэнник аҕалар баҕаттан…

Хос ырыата.

Уҥуоҕуҥ хаалбыта туора сир буоругар,
Олоҕуҥ салҕанар бар дьонуҥ дьолугар.
Дойдугар тапталыҥ төлөнө сандаарда,
Болуоссат аайытын аалай уот умайда.

Хос ырыата.

Махталлаах ыччаттар, чочумча, чуумпуран
Обелиск анныгар төбөнү төҥкөтүҥ!
Кыайыыны, эйэни уотунан уһааран
Эргиллэн кэллилэр өлбүттэр сэрииттэн.

Хос ырыата.

Хоровая партитура «Уруй буоллун кыайыы күнэ! Бессмертный полк — скачать»

«Уруй буоллун кыайыы күнэ! Бессмертный полк» оркестр национальных инструментов НТТ РСЯ — скачать

 

Читайте также:  "Буорах сыттаах суруктар" Кыайыы 75 сааһыгар аналлаах Хаҥалас улууһун Күөрдэм нэһилиэгин Россиятааҕы "Саллаат суруктара" уонна "75 лет Победы Библионочь" акцияларга акцията.